ఇటీవలే బీజేపీ వద్దనుకుంటే నమస్కారం పెట్టి తప్పుకుంటాం అని చెప్పిన చంద్రబాబు నాయుడు తాజాగా బడ్జెట్‌ కేటాయింపుల విషయంలో జరిగిన అన్యాయంతో మరో అడుగు ముందుకు వెయ్య బోతున్నట్లుగా తెలుస్తోంది. ఏపీకి జరిగిన అన్యాయంకు నిరసనగా కేంద్రం మంత్రి వర్గంలో ఉన్న టీడీపీ మంత్రులు రాజీనామాకు సిద్దం కావాలని, రెండు మూడు రోజుల్లో రాజీనామాలు చేయాల్సి ఉంటుందని సీఎం చంద్రబాబు నాయుడు సందేశం పంపినట్లుగా తెలుస్తోంది. ఏపీకి జరిగిన అన్యాయంపై కేంద్రం వద్ద బాహాటంగానే మాట్లాడాలని మంత్రులు మరియు ఎంపీలకు సీఎం బాబు సలహా ఇవ్వడం జరిగింది. బాబు సలహా మేరకు సుజనా చౌదరి కేంద్రం తీరుపై తీవ్ర స్థాయిలో ఆగ్రహం వ్యక్తం చేసిన విషయం తెల్సిందే.