ఆంధ్రప్రదేశ్ రాష్ట్రంలో కరోనా కేసుల్లో పరుగులు తీస్తుంది. శుక్రవారం ఉదయం మరో 12 కేసులు నమోదు కావడం తో రాష్ట్ర వ్యాప్తంగా 161 కి కరోనా కేసుల సంఖ్య చేరింది. ఈ మేర‌కు ఆ రాష్ట్ర వైద్య ఆరోగ్య శాఖ హెల్త్ బులిటెన్ విడుద‌ల చేసింది. నిన్న రాత్రి 10గంట‌ల నుంచి ఇవాళ ఉదయం 9గంట‌ల వ‌ర‌కు కొత్త‌గా 12 కరోనా కేసులు న‌మోద‌యిన‌ట్లు అధికారులు వెల్ల‌డించారు. ముఖ్యంగా నెల్లూరు జిల్లాలో అత్య‌ధికంగా 32కేసులు న‌మోద‌య్యాయి. కొత్త‌గా 8మందికి కరోనా పాజిటివ్ వ‌చ్చినట్లు తెలిపారు.
వీరు అందరూ కూడా ఢిల్లీ వెళ్లి వచ్చినట్టు అధికారులు గుర్తించారు. దీనితో ఒక్కసారిగా ప్రజల్లో భయం మొదలయింది. నెల్లూరు జిల్లాలో మొత్తం 32 కరోనా పాజిటివ్ కేసులు నమోదు అయ్యాయి. గత నాలుగు రోజులుగా కరోనా కేసులు వేగంగా పెరుగుతున్నాయి. క‌డ‌ప జిల్లాలో కొత్త‌గా ఒక కేసు పాజిటివ్ రాగా మొత్తం 19కేసులు న‌మోద‌య్యాయి. కృష్ణా 23, గుంటూరు 20, ప్ర‌కాశం 17, విశాఖ‌ప‌ట్నం 14, చిత్తూరు 9, ఈస్ట్‌గోదావ‌రి 9, అనంత‌పురం 2 న‌మోద‌య్యాయి.