నేడు విజయవాడలో పవన్‌ కళ్యాణ్‌ అగ్రిగోల్డ్‌ బాధితులతో ముఖా ముఖి నిర్వహించాడు. ఈ సందర్బంగా పవన్‌ కళ్యాణ్‌ మాట్లాడుతూ అగ్రిగోల్డ్‌ ఆస్తులను అమ్మి బాధితులకు న్యాయం చేయాలని, వెంటనే ప్రభుత్వం అగ్రిగోల్డ్‌ బాధితుల కోసం కొంత మేరకు అయినా నిధులు విడుదల చేయాల్సిందిగా కోరాడు. ఈ విషయాన్ని ప్రధాని నరేంద్ర మోడీ దృష్టికి కూడా తీసుకు వెళ్లాల్సిన బాధ్యత ఏపీ ప్రభుత్వంపై ఉందని ఈ సందర్బంగా పవన్‌ కళ్యాణ్‌ అన్నారు.
పవన్‌ కళ్యాణ్‌ ఉద్యమంలోకి దిగడంతో ప్రభుత్వం దిగి రావడం ఖాయం, అగ్రిగోల్డ్‌ ఆస్తులు అమ్మి తమకు న్యాయం జరగడం ఖాయం అంటూ అగ్రిగోల్డ్‌ బాధితుల్లో ఏదో ఒక మూల ఆనందం వ్యక్తం అవుతుంది. మరి పవన్‌ వారి కష్టాలను తీర్చుతాడా అనేది చూడాలి.