67 అశ్లీల వెబ్‌సైట్‌లను (పోర్నగ్రఫీ వెబ్‌సైట్స్‌) కేంద్రం నిషేధించింది. వీటిని తక్షణమే బ్లాక్ చేయాలని ఇంటర్నెట్ కంపెనీలను ఆదేశించింది. కోర్టు ఆదేశాల మేరకు 2021లో జారీ చేసిన కొత్త ఐటీ నిబంధనలకు అనుగుణంగా వీటిని వెంటనే నిలిపివేయాలని తెలిపింది. ఈ మేరకు ఇంటర్నెట్ సర్వీస్ ప్రొవైడర్లకు టెలికాం విభాగం ఈ-మెయిల్‌ పంపింది. అశ్లీలత.. మహిళల గౌరవానికి భంగం కలిగిస్తోందన్న విషయాన్ని దృష్టిలో ఉంచుకుని ఈ ఆదేశాలు జారీ చేసినట్లు టెలికాం విభాగం పేర్కొంది.
