36వ జాతీయ క్రీడలు అహ్మదాబాద్ లోని నరేంద్రమోదీ స్టేడియంలో క్రీడలను ప్రారంభించేందుకు పీఎం నరేంద్ర మోడీ స్టేడియంకు చేరుకోగానే పెద్ద ఎత్తున క్రీడాకారులు, వీక్షకులు ప్రధానికి స్వాగతం పలికారు. ఈ సందర్భంగా ప్రత్యేకంగా ఏర్పాటు చేసిన వాహనంలో మోదీ అందరికీ అభివాదం చేస్తూ కలియ తిరిగారు.
గుజరాత్ లో తొలిసారి జాతీయ క్రీడలు జరుగుతున్నాయి. అక్టోబర్ 12వ తేదీ వరకు ఈ క్రీడలు కొనసాగతాయి. దేశ వ్యాప్తంగా ఉన్న క్రీడాకారులు, కోచ్ లు పాల్గొంటున్నారు. అలాగే 36 విభాగాల్లో ఈ క్రీడలు జరగనున్నాయి. అహ్మదాబాద్, గాంధీనగర్, సూరత్, వడోదర, రాజ్ కోట్, భావ్ నగర్ లోని ఆరు నగరాల్లో క్రీడా కార్యక్రమాలు నిర్వహించనున్నారు.
