తెలుగుదేశం పార్టీ కి వరుస షాక్ లు షాక్ లు తగులుతూనే ఉన్నాయి. ఇప్పటికే పార్టీ కి చెందిన కీలక నేతలు ఇతర పార్టీలలో చేరగా..ఉన్న కొంతమంది సైతం అధికార పార్టీ వైపు మొగ్గుచూపిస్తున్నారు. తాజాగా టీడీపీ నేత, రాజమండ్రి రూరల్ మాజీ ఎమ్మెల్యే చందన రమేష్ అధికార వైసీపీలో చేరారు. తాడేపల్లిలోని క్యాంప్‌ కార్యాలయంలో సీఎం వైఎస్ జగన్ మోహన్ రెడ్డి సమక్షంలో చందన రమేష్ వైసీపీ కండువా కప్పుకున్నారు.
ఆయనతో పాటు కుమారుడు నాగేశ్వర్ కూడా వైసీపీలో చేరారు. ఈ సందర్భంగా చందన రమేష్, ఆయన కుమారుడు నాగేశ్వర్‌లను జగన్ సాదరంగా తన పార్టీలోకి ఆహ్వానించారు. ఈ కార్యక్రమంలో రాజమండ్రి ఎంపీ మార్గాని భరత్‌ తదితరులు పాల్గొన్నారు.