తెలంగాణ రాష్ట్రంలో రోజు రోజుకు కరోనా విలయతాండవం ఎక్కువ అవుతుందే తప్ప తగ్గడం లేదు. మొన్నటి వరకు పల్లెల్లో కరోనా ఛాయలు కనిపించకపోయినా..ప్రస్తుతం అక్కడ కూడా కరోనా విజృభిస్తుంది. ప్రతి రోజు వందల సంఖ్య లో కేసులు నమోదు అవుతుండడం తో రాష్ట్ర ప్రజలు భయంతో వణికిపోతున్నారు. శనివారం రాష్ట్రంలో కరోనా కేసుల విషయానికి వస్తే…మొత్తం 1284 కరోనా కొత్త కేసులు నమోదైనట్లుగా హెల్త్ బులెటిన్‌లో పేర్కొన్నారు.
ఈ కేసులతో కలిపి ఇప్పటివరకు రాష్ట్ర వ్యాప్తంగా మొత్తం కరోనా కేసుల సంఖ్య 43,780కు చేరింది. ఇక ప్రస్తుతం రాష్ట్రంలో యాక్టివ్ కేసులు 12,765గా ఉన్నాయి. గత 24 గంటల్లో 1902 మంది కోలుకొని డిశ్చార్జి అయ్యారు. ఇప్పటి వరకూ పూర్తిగా కోలుకొని డిశ్చార్జి అయిన వారి సంఖ్య 30,607 కు చేరింది.