రెండు రోజులుగా తెలంగాణ రాష్ట్రంలో కరోనా కేసులు కాస్త తగ్గుముఖం పట్టేసరికి అంత హమ్మయ్య అనుకున్నారు. కానీ ఆలా అనుకునేలోపు సోమవారం రాష్ట్రంలో భారీగా కేసులు నమోదు అయ్యి వామ్మో అనిపించాయి. గడిచిన 24 గంటల్లో రాష్ట్రంలో 1286 కొత్త కేసులు నమోదయ్యాయని తెలంగాణ వైద్య, ఆరోగ్య శాఖ బులిటెన్‌ విడుదల చేసింది.
దీంతో రాష్ట్ర వ్యాప్తంగా మొత్తం పాజిటివ్ కేసుల సంఖ్య 68,946కు చేరింది. అలాగే సోమవారం ఒక్క రోజే కరోనా బారిన పడి 12 మంది మరణించడం తో.. మృతుల సంఖ్య 563కి చేరింది. ఇక కరోనా నుంచి తాజాగా 1066 మంది డిశ్చార్జ్‌ కాగా.. కోలుకున్న వారి సంఖ్య 49,675కు చేరింది.