తెలంగాణ రాష్ట్రంలో కరోనా మహమ్మారి పూర్తి గా తగ్గిందని చెప్పలేం కానీ గతంతో పోలిస్తే భారీగా తగ్గిందని మాత్రం చెప్పవచ్చు. గతంలో ప్రతి రోజు వేల సంఖ్య లో కేసులు నమోదు అవుతూ ప్రజలను , ప్రభుత్వాన్ని భయానికి గురి చేస్తుండేది. కానీ ఇప్పుడు మాత్రం ప్రతి రోజు కూడా వెయ్యి లోపే కేసులు నమోదు అవుతూ వస్తున్నాయి.
తాజాగా ప్రభుత్వం విడుదల చేసినబులెటిన్ ప్రకారం రాష్ట్రంలో కొత్తగా 617 కేసులు నమోదయ్యాయి. దీంతో రాష్ట్రంలో నమోదైన మొత్తం కరోనా కేసుల సంఖ్య 2,82,347కి చేరింది. ఇందులో 2,74,260 మంది కోలుకొని డిశ్చార్జ్ కాగా, 6,569 కేసులు యాక్టివ్ గా ఉన్నాయి. ఇక తెలంగాణలో కొత్తగా కరోనాతో ముగ్గురు మృతి చెందారు. దీంతో రాష్ట్రంలో ఇప్పటి వరకు మొత్తం 1518 మంది కరోనాతో మృతి చెందినట్టు బులెటిన్ లో పేర్కొన్నారు.