తెలంగాణ సచివాలయం కూల్చివేత అంశం ఇప్పుడు రాజకీయ వర్గాల్లో హాట్ టాపిక్ అయ్యింది. రాష్ట్రప్రభుత్వం నూతన సచివాలయాన్ని నిర్మించనున్న క్రమంలో చేపట్టిన పాత భవనాల కూల్చివేత పనులకు శ్రీకారం చుట్టారు. దీనిని తప్పు పడుతూ ప్రతి పక్షాలు పెద్ద ఎత్తున రాద్ధాంతం చేస్తున్నారు. ఇప్పటికే కాంగ్రెస్ నేతలు కేసీఆర్ ఫై మండిపడగా..తాజాగా బీజేపీ యువ నాయకురాలు, ప్రముఖ సినీ నటి మాధవీలత కేసీఆర్‌పై సంచలన ఆరోపణలు చేశారు. ఈమె ఏకంగా సచివాలయం కూల్చివేతకు కేసీఆర్ ఆరోగ్యంతో ముడిపెడుతూ తన ఫేస్ బుక్‌లో షాకింగ్ పోస్ట్ పెట్టింది.
సెక్రెటరేట్ వాస్తు ప్రభావం వల్ల.. ‘దొర’కి ఆరోగ్యం బాగుండటం లేదంట.. అందుకే కొత్త బిల్డింగ్ ప్లాన్. మరి పేషెంట్స్ ఉండే హాస్పటల్స్ ఇలా ఉండొచ్చా??? ఈ వాస్తులో నీటి దోషం ఉంది అయినా పర్లేదా? అంటూ సంచలన కామెంట్స్ చేసింది. ఇక తనకు ఎప్పటిలాగే ఏ పోస్ట్ పెట్టినా ఎలాగూ నెగిటివ్ కామెంట్స్ వస్తాయని ముందే భావించిన ఈమె.. ఇక్కడ నెగిటివ్ కామెంట్స్ పెట్టే వాళ్ల ఫ్యామిలీ ఇదే ప్లేస్‌లో ఉంటే.. అప్పుడు కడుపు మూతి అన్నీ కాలతాయి. దూరంగా ఉండి కారు కూతలు కూస్తే కాదు’ అంటూ నెగిటివ్ కామెంట్స్ చేసేవారిని ముందే హెచ్చరించింది మాధవీలత.