రాష్ట్ర ఐటీ, మున్సిపల్‌ శాఖ మంత్రి కల్వకుంట్ల తారకరామరావు పుట్టిన రోజు ఈరోజు. ఈ సందర్బంగా సినీ , రాజకీయ , క్రీడా , బిజినెస్, అభిమానులు , పార్టీ కార్య కర్తలు ఇలా ప్రతి ఒక్కరు పెద్ద ఎత్తున పుట్టిన రోజు శుభాకాంక్షలు తెలుపుతూ తమ అభిమానాన్ని చాటుకుంటున్నారు. విపత్తు వచ్చినప్పుడు ప్రజల వెన్నుతట్టి నిలబడేవాడే నిజమైన నాయకుడని, తెలంగాణలో ఆ బాధ్యత సమర్థంగా భుజానికెత్తుకున్న నాయకుడు మన కేటీఆర్ అంటూ విలక్షణ నటుడు ప్రకాష్ రాజ్ కొనియాడారు.
డియర్ ఫ్రెండ్ కేటీఆర్‌కు జన్మదినోత్సవ శుభాకాంక్షలు. నువ్వు మరింత ఆరోగ్యంగా, దృఢంగా ఉండాలని కోరుకుంటున్నా. ధన్యవాదాలు అని ప్రకాష్ రాజ్ ట్వీట్ చేశారు. కేటీఆర్‌కు సంబంధించిన ఓ ప్రత్యేకమైన వీడియోను ట్విటర్ లో ప్రకాష్ రాజ్ పోస్ట్ చేశారు.
ఢిల్లీ భామ రకుల్ ప్రీత్ సింగ్ కూడా కేటీఆర్‌కు ట్విటర్ ద్వారా విషెస్ చెప్పింది. ‘‘హ్యాపీ హ్యాపీ బర్త్‌డే కేటీఆర్. ఈ సంవత్సరమంతా మీరు సంతోషంగా, ఆరోగ్యంగా ఉండాలి. మన రాష్ట్రాన్ని మరింత అభివృద్ధి చేయడానికి కావాల్సిన మరింత బలం, సామర్థ్యం మీకు చేకూరాలని కోరుకుంటున్నా. మీరు దూరదృష్టి ఉన్న నిజమైన నాయకుడు. మీరు ఇలాగే ముందుకు సాగాలి’’ అని రకుల్ ట్వీట్ చేసింది.
