ఏపీ లో తగ్గని కరోనా కేసులు

ఆంధ్రప్రదేశ్ రాష్ట్రంలో కరోనా మహమ్మారి విలయతాండవం చేస్తుంది. రోజు రోజుకు కేసుల సంఖ్య విపరీతంగా పెరుగుతుండడం తో ప్రజలు భయాందోళనలో బ్రతుకుతున్నారు. ఆదివారం రోజున ఏపీలో 5041 కరోనా కేసులు నమోదైన సంగతి తెలిసిందే. కాగా, ఈరోజు ఏపీలో 4074 కొత్త కేసులు నమోదయ్యాయి. దీంతో ఏపీలో ఇప్పటి వరకు నమోదైన మొత్తం కరోనా కేసుల సంఖ్య 53,724కి చేరింది.

ఇందులో 28,800కేసులు యాక్టివ్ గా ఉంటె, 24,228 మంది కోలుకొని డిశ్చార్జ్ అయ్యారు. ఇక కరోనా కారణంగా ఏపీలో ఈరోజు 54 మంది మరణించినట్టు హెల్త్ బులెటిన్ లో పేర్కొన్నారు. ఇక జిల్లాలవారీగా కేసులు చూస్తే

అనంతపూర్ జిల్లాలో 342, చిత్తూరులో 116, తూర్పు గోదావరిలో 1086, గుంటూరులో 596, కడపలో 152, కృష్ణా జిల్లాలో 129, కర్నూలు జిల్లాలో 559, నెల్లూరులో 100, ప్రకాశం జిల్లాలో 221, శ్రీకాకుళం జిల్లాలో 261, విశాఖపట్నం జిల్లాలో 102, విజయనగరం జిల్లాలో 56, పశ్చిమ గోదావరి జిల్లాలో 354 కేసులు నమోదయ్యాయి.