లాక్ డౌన్ కారణంగా వైన్ షాప్స్ బంద్ కావడం తో మద్యం బాబుల కష్టాలు అన్ని ఇన్ని కావు..మద్యం దొరక్క నానా కష్టపడుతున్నారు. కొంతమందైతే మద్యం దొరక్క పిచ్చోళ్ళు అవుతున్నారు. ఇదే అదును చేసుకున్న దొంగలు ఏకంగా మద్యం షాప్ ను లూటీ చేసారు. ఈ ఘటన హైదరాబాద్ గాంధీ నగర్ ఏరియా లో చోటు చేసుకుంది.
షాప్ పై భాగంలో ఉండే రేకును కత్తిరించి షాపులోకి దూరిన దొంగ.. రూ.3 లక్షల విలువైన మద్యం బాటిళ్లను లూటీ చేశాడు. గల్లా పెట్టెలో ఉన్న డబ్బును కూడా ఎత్తుకెళ్లాడు. షాప్‌లో ఉన్న సీసీటీవీలో ఈ దొంగతనం రికార్డ్ అయ్యింది. వీడియో ఫుటేజీ ఆధారంగా పోలీసులు దొంగను పట్టుకునే పనిలో పడ్డారు.