వరల్డ్‌ కప్‌ సెమీస్‌ వరకు వెళ్లిన టీం ఇండియా సెమీస్‌లో ఓటమి పాలయిన విషయం తెల్సిందే. టీం ఇండియా ఓటమి తర్వాత జట్లు సభ్యుల మద్య లుకలుకలు మొదలయ్యాయి. ముఖ్యంగా రోహిత్‌ శర్మ మరియు విరాట్‌ కోహ్లీల మద్య కోల్డ్‌ వార్‌ జరుగుతున్నట్లుగా ప్రచారం జరుగుతోంది. ప్రస్తుతం కెప్టెన్‌గా ఉన్న విరాట్‌ కోహ్లీని తప్పించి, వైస్‌ కెప్టెన్‌గా ఉన్న రోహిత్‌ శర్మను ఫుల్‌ టైం కెప్టెన్‌గా పెట్టాలనే చర్చ జరుగుతోంది. ఈ నేపథ్యంలో రోహిత్‌ శర్మపై విరాట్‌ కాస్త కోపంగా ఉన్నట్లుగా వార్తలు వచ్చాయి.
రోహిత్‌తో కొన్ని రోజులుగా కోహ్లీ అంటీ ముట్టనట్లుగా ఉన్న కారణంగా ఇటీవలే అనుష్క శర్మను సోషల్‌ మీడియాలో రోహిత్‌ శర్మ ఫాలో అవ్వడం మానేశాడు. దాంతో ఆ వాదన మరింత పెరిగింది. ప్రస్తుతం టీం ఇండియా వెస్టిండీస్‌ సిరీస్‌కు సన్నాహకంగా ఉంది. ఈ సిరీస్‌ కోసం టీం ఇండియా చిన్న చిన్న మార్పులు చేసింది. ఈ పర్యటకు వెళ్లబోతున్న కోహ్లీ మీడియాతో చిట్‌ చాట్‌ చేశాడు. ఈ సందర్బంగా తనకు రోహిత్‌ శర్మ అంటే భయం ఏమీ లేదు. నా కెప్టెన్సీకి అతడి వల్ల ప్రమాధం అని నేను ఎప్పుడు భావించడం లేదు అంటూ విరాట్‌ కోహ్లీ ఒక ప్రశ్నకు సమాధానం ఇచ్చాడు. రోహిత్‌ శర్మ బ్యాటింగ్‌కు తాను అభిమానిని అంటూ చెప్పుకొచ్చాడు.
