రాయ్‌పూర్‌లో జరుగుతున్న రోడ్ సేఫ్టీ వరల్డ్ సిరీస్ 2021 లో ఇంగ్లాండ్ లెజెండ్ ఫాస్ట్ బౌలర్ ట్రెంలెట్ మరియు ఇండియా లెజెండ్ కెప్టెన్ సచిన్ టెండూల్కర్ ఇద్దరూ తమ జట్లకు ప్రాతినిధ్యం వహిస్తున్నారు. తాజాగా క్రిస్ ట్రెంలెట్, సచిన్ టెండూల్కర్ జిమ్ లో గడిపారు, ఈ సందర్భంగా క్రిస్ ట్రెంలెట్ ఈ వయసులో సచిన్ టెండూల్కర్ యొక్క ఫిట్నెస్ చూసి ఆశ్చర్యపోయి ఫోటోలు తీసి ట్విట్టర్ లో షేర్ చేసారు .
సచిన్ టెండూల్కర్ 2013 లో పదవీ విరమణ చేయగా, 39 ఏళ్ల ట్రెంలెట్ అదే సంవత్సరం ఇంగ్లాండ్ తరఫున తన చివరి మ్యాచ్ ఆడాడు. ఇదిలా ఉండగా రోడ్ సేఫ్టీ వరల్డ్ సిరీస్ సాధారణ ప్రజలలో రహదారి అవగాహనను సృష్టించడం మరియు రహదారిపై ప్రవర్తన పరంగా వారి మనస్తత్వాన్ని మార్చడం లక్ష్యంగా గత సంవత్సరం ప్రారంభమైంది. COVID-19 వ్యాప్తి కారణంగా టోర్నమెంట్ గత సంవత్సరం అకస్మాత్తుగా ఆగిపోగా, రోడ్ సేఫ్టీ వరల్డ్ సిరీస్ యొక్క మిగిలిన మ్యాచ్‌లు ఈ సంవత్సరం రాయ్‌పూర్‌లో జరుగుతున్నాయి.