నిత్యం విజయవాడ – హైదరాబాద్ రహదారి రద్దీగా ఉంటుందనే సంగతి తెలిసిందే. ప్రతి రోజు వేల సంఖ్య లో వాహనాలు తిరుగుతుంటాయి. ఇదే అదునుగా భావించిన దోపిడీ దొంగలు రహదారి ఫై వెళ్లే వాహనాలు అపి నగదు దోపిడీ చేస్తున్నారు. అర్ధరాత్రి వేళల్లో కొందరు వ్యక్తులు మోటారు సైకిళ్లపై మెరుపులా వచ్చి రహదారిపై వెళ్తున్న లారీలు, కార్లను హఠాత్తుగా ఆపుతారు. సొమ్ము ఇవ్వాలని వాహనదారులు, డ్రైవర్లను కత్తులతో బెదిరిస్తారు. రాత్రి వేళ రోడ్డు పక్కన లారీ ఆగిందంటే చాలు హఠాత్తుగా వచ్చి వారి వద్ద ఉన్న నగదు ఇవ్వాలని అడుగుతారు. ఇవ్వకపోతే దాడి చేసి మరీ డబ్బులు లాక్కుని పరారవుతారు. దీంతో వాహనదారులు రాత్రిళ్ళు ప్రయాణం అంటే వణికిపోతున్నారు.