టి20 ప్రపంచకప్‌ 2021లో ఇంగ్లండ్‌ ఓపెనర్‌ జాస్‌ బట్లర్‌ ఆస్ట్రేలియాతో మ్యాచ్‌లో మెరుపు అర్థశతకంతో మెరిశాడు. 25 బంతుల్లోనే 4 ఫోర్లు.. 4 సిక్సర్లతో బట్లర్‌ ఫిఫ్టీ మార్క్‌ను అందుకున్నాడు. కాగా ఈ ప్రపంచకప్‌లో జాస్‌ బట్లర్‌ చేసిన అర్థశతకం అత్యంత వేగవంతమైనది కావడం విశేషం. అర్థశతకం తర్వాత కూడా బట్లర్‌ తన జోరును ఆపలేదు. ఓవరాల్‌గా 32 బంతులెదుర్కొన్న బట్లర్‌ 5 ఫోర్లు.. 5 సిక్సర్లతో 71 పరుగులు చేశాడు. దీంతో ఆస్ట్రేలియా సెట్ చేసిన 125 పరుగుల లక్ష్యాన్ని 11 .4 లోనే ఛేదించింది ఇంగ్లండ్‌ జట్టు.