ప్రధాని నరేంద్ర మోడీ ప్రాతినిధ్యం వహిస్తున్న వారణాసిలోని ఒక స్కూల్‌కు ఒక నెల కరెంటు బిల్లు వచ్చింది. ఆ బిల్లును చూసిన స్కూల్‌ ప్రిన్సిపల్‌కు దాదాపుగా గుండె పోటు వచ్చినంత పనైంది. అందులో ఏకంగా 618 కోట్ల రూపాయల బిల్లు ఉంది. ఈ విషయాన్ని వెంటనే స్థానిక ఎలక్ట్రిసిటీ ఆఫీస్‌లో తెలియజేసినా కూడా ఫలితం లేకుండా పోయింది. పై పెచ్చు 10 వ తారీకు వరకు చెల్లించకుంటే మీ కనెక్షన్స్‌ తొలగించాల్సి ఉంటుందని హెచ్చరించారు. అంత మొత్తం ఎలా చెల్లిస్తామన్నా కూడా వారు పట్టించుకోలేదు. దాంతో ఉన్నతాధికారుల వద్దకు ఈ విషయం వెళ్లడంతో సాఫ్ట్‌ వేర్‌ సమస్య అని తేల్చారు. రెండు వేల బిల్లుకు అంత మొత్తం వచ్చింది. రాష్ట్రం మొత్తం కలిపి ఈనెల అంత బిల్లు అయ్యి ఉండవచ్చు అంటూ నెటిజన్స్‌ కామెంట్స్‌ చేస్తున్నారు.