కరోనా కి ఎవ్వరు అతీతులు కాదు. ఇప్పటికే చాలామంది విఐపి, వివిఐపి లకు కరోనా సోకింది, వాళ్లలో దాదాపు చాలామంది కోలుకున్నారు, మరికొంతమంది చనిపోయారు. ఇప్పుడు తాజాగా రాజ్య సభ ఎంపీ, క్రికెట్ దిగజ్జం సచిన్ టెండూల్కర్కు కరోనా పాజిటివ్ గా తేలింది. ఈ మేరకు సచిన్ ట్విట్టర్ లో స్వయంగా వెల్లడించారు .
”కరోనా టెస్టు చేయించుకోగా, నాకు స్వల్ప లక్షణాలతో కోవిడ్ పాజిటివ్ నిర్ధారణ అయింది. కుటుంబంలో మిగిలిన వారికి నెగటివ్ తేలింది. ప్రస్తుతం హోం క్వారంటైన్‌లో ఉంటూ ఎప్పటికప్పుడు డాక్టర్లను సంప్రదిస్తున్నాను. ఈ పరిస్థితుల్లో నాకు అండగా నిలిచిన అందరికీ కృతజ్ఞతలు” అని సచిన్ ట్వీట్ చేశారు.
