ఈరోజు ఉదయం గచ్చిబౌలి చౌరస్తాలో ఆర్టీసీ బస్సు బీభత్సం సృష్టించింది. బస్ స్టాప్ దగ్గర ముగ్గురు ప్రయాణికులను ఢీకొన్న బస్సు. వివరాల్లోకి వెళ్తే హెచ్‌సీఐ డిపోకు చెందిన బస్సు లింగంపల్లి నుంచి కోఠి వెళ్తోంది. ఉదయం 8 గంటల సమయంలో గచ్చిబౌలి చౌరస్తా వద్దకు చేరుకున్న బస్సు మరో బస్సును తప్పించబోయి రోడ్డు దాటుతున్న పాదచారుల పైకి ఒక్కసారిగా దూసుకెళ్లింది.
ఈ ప్రమాదంలో ముగ్గురు మృతి చెందారు. అతివేగమే ప్రమాదానికి కారణమని స్థానికులు చెబుతున్నారు.ఈ ప్రమాదంతో ముగ్గురు వ్యక్తులు అక్కడికక్కడే మృతి చెందారని ప్రత్యక్ష సాక్షులు తెలిపారు. సమాచారం అందిన వెంటనే పోలీసులు అక్కడకు చేరుకుని మృతదేహాలను స్వాధీనం చేసుకున్నారు.
మృతుల్లో దశరథ్‌ అనే ఆటో డ్రైవర్‌ కూడా ఉన్నాడు. కేసు నమోదు చేసి మిగిలిన ఇద్దరి ఆచూకీ కోసం పోలీసలు విచారణ చేపట్టారు. వీరి మృతదేహాలను పోస్టుమార్టం నిమిత్తం ఉస్మానియా ఆస్పత్రికి తరలించారు.