coronavirus mask
వైరస్ వేగంగా విస్తరిస్తున్న ప్రాంతాల్లో ప్రజలు సర్జికల్ మాస్కులు ధరించడం మనం తరచూ చూస్తుంటాం. వైరస్ వ్యాప్తిని నియంత్రించడానికి చాలా మంది వీటిని పెట్టుకొంటుంటారు. కరోనాపై పోరాటంలో మాస్క్‌లు ధరించడం చాలా ముఖ్యం. దీనిపై కేంద్రం కూడా సూచన చేసింది.
దేశంలో క‌రోనా వేగంగా వ్యాప్తి చెందుతున్న నేప‌థ్యంలో మాస్క్ ధార‌ణ విష‌యంలో కేంద్రం కీలక సూచన చేసింది. ఇన్ని రోజులు ఉన్న భిన్నాభిప్రాయాల‌కు కేంద్రం తెర‌దించింది. కొందరు మాస్కులు కట్టుకోవడం తప్పనిసరి అంటూ వుంటే.. మరికొందరు మాస్కులు ప్రతీ ఒక్కరికి అవసరం లేదని చెబుతున్నారు. అయితే వీటిపై కేంద్రం చాలా క్లియర్‌గా ప్రకటన చేసింది. ఇల్లు దాటి బయటికి వెళ్ళే ప్రతీ ఒక్కరు మాస్కు కట్టుకుని తీరాలని సూచించింది.
