ఆంధ్రప్రదేశ్ రాష్ట్రంలో కరోనా మహమ్మారి బుసలు కొడుతుంది. వారం క్రితం ఓ లెక్క ఇప్పుడు ఓ లెక్క అన్నట్లు ఉంది కరోనా పాజిటివ్ కేసుల సంఖ్య. ముఖ్యంగా ఢిల్లీ ప్రార్థనలకు వెళ్లి వచ్చిన వారి మూలంగా రాష్ట్రంలో కరోనా కేసులు విపరీతంగా పెరిగిపోతున్నాయి. వీటిలో కర్నూలు లో ఎక్కువ సంఖ్య లో కేసులు నమోదు కావడం అక్కడి ప్రజలను ఆందోళనకు గురి చేస్తున్నాయి.
బుధవారం మరో కరోనా పాజిటివ్ కేసు నమోదైనట్లు ఆ జిల్లా కలెక్టర్‌ వీర పాండ్యన్‌ వెల్లడించారు. దీంతో జిల్లాలో కరోనా కేసుల సంఖ్య రాష్ట్రంలోనే అత్యధికంగా 75కి చేరుకుంది. అలాగే అనంతపురం జిల్లాలో బుధవారం ఒక్కరోజే 7 కరోనా పాజిటివ్ కేసులు నమోదైనట్లు అధికారులు చెపుతున్నారు. మొత్తం మీద రాష్ట్ర వ్యాప్తంగా బుధువారం సాయంత్రం నాటికీ 337 కేసులు నమోదు అయ్యాయి.