దేశ విదేశాలు తిరుగుతూ శాంతి సందేశం ఇస్తున్న కేఏపాల్‌ త్వరలో అరెస్ట్‌ కాబోతున్నాడు. మహబూబ్‌ నగర్‌ జిల్లా కోర్టు కేఏపాల్‌పై నాన్‌ బెయిలబుల్‌ వారెంట్‌ను జారీ చేయడం జరిగింది. కేఏపాల్‌ తన తమ్ముడు డేవిడ్‌ రాజు హత్య కేసులో నింధితుడిగా ఉన్నాడు. గత కొన్నాళ్లుగా కేసు విచారణకు కేఏపాల్‌ ఏవో కారణాలు చెబుతూ హాజరు అవ్వడం లేదు. దాంతో కోర్టు దిక్కార కేసు నమోదు చేయడంతో పాటు అరెస్ట్‌ వారెంట్‌ జారీ చేశారు. అరెస్ట్‌ వారెంట్‌ జారీ అవ్వడంతో త్వరలోనే కేఏపాల్‌ అరెస్ట్‌ అయ్యే అవకాశం ఉందని తెలుస్తోంది.