భారత్‌ మానవసహిత అంతరిక్ష యాత్ర గగన్యాన్ మిషన్ కు గాను వ్యోమగాములుగా ఎంపికైన నలుగురు భారతీయులు, రష్యాలోని మాస్కో సమీపంలో ఉన్న జైయోజ్డ్నీ గోరోడోక్ నగరంలో ఏడాది శిక్షణా కోర్సును పూర్తి చేశారు. గగారిన్ కాస్మోనాట్ శిక్షణా కేంద్రంలో శిక్షణ పూర్తి చేసిన భారతీయ వ్యోమగాములను సోమవారం కలిశానని Roscosmos అధిపతి డిమిత్రి రోగోజిన్ తెలిపారు. దీంతో భారత అంతరిక్ష పరిక్షధనా సంస్థ ఇస్రో అత్యంత ప్రతిష్ఠాత్మకంగా చేపట్టిన గగన్యాన్ మిషన్‌కు సంబంధించిన ఒక కీలక అడుగుపడినట్టయింది.
