ఈనేపథ్యంలో అప్పుడు కేసును విచారించిన ఆఫీసర్‌ రంగనాధ్‌ మీడియా ముందుకు వచ్చారు. కోర్టు తీర్పు సత్యంబాబుకు అనుకూలంగా వచ్చినా ఆయన దోషే అంటూ రంగనాథ్‌ చెప్పుకొచ్చాడు. ఘటన స్థలంలో లభించిన డీఎన్‌ఏ రిపోర్ట్‌ సత్యం బాబు డీఎన్‌ఏ రిపోర్ట్‌తో సరిపోయింది. ప్రపంచంలో ఏ ఇద్దరి డీఎన్‌ఏ రిపోర్ట్‌ ఒకే విధంగా ఉండవు. అంటే ఆ ప్రదేశంలో లభించిన డీఎన్‌ఏ శాంపిల్స్‌ సత్యంబాబుకు సంబంధించిందే. అలాగే హాస్టల్‌లోని విద్యార్థినిలు కూడా సత్యంబాబును గుర్తించారు. ఇలాంటి సమయంలో ఎలా సత్యంబాబు నిర్దోషి అవుతాడు అంటూ రంగనాథ్‌ ప్రశ్నించాడు. కోర్టు తీర్పుపై అపీల్‌కు వెళ్లబోతున్నట్లుగా ఆయన పేర్కొన్నాడు. కోర్టులో సత్యంబాబును దోషిగా నిరూపిస్తామని ఆయన చెప్పుకొచ్చాడు. 