కరోనాకు ఎవ్వరూ అతీతులు కాదు, పటిష్ట భద్రత మధ్య ఐపీఎల్ మ్యాచ్ లు జరుగుతున్న సంగతి తెలిసిందే. అంత భద్రత మధ్య కూడా కరోనా వీర విహారం చేస్తుంది. సోమవారం కెకెఆర్ జట్టులో బౌలర్లు వరుణ్ చక్రవర్తి, సందీప్ వారియర్ లు కరోనా బారిన పడగా కొన్ని గంటల వ్యవధిలోనే చెన్నై సూపర్ కింగ్స్ జట్టులో మరో మూడు కేసులు నమోదయ్యాయి, దీంతో నిన్న మ్యాచ్ ని వాయిదా వేశారు. ఈ రోజు కొత్తగా సన్ రైజర్స్ హైదరాబాద్ వికెట్ కీపర్ సలహా, ఢిల్లీ క్యాపిటల్స్ స్పిన్నర్ అమిత్ మిశ్రా కరోనా బారిన పడ్డారు. దీంతో ఐపీఎల్ మ్యాచ్ లు కొనసాగించడం కష్టమని భావించి ఈ రోజు ఐపీఎల్, బిసిసిఐ అధికారులు అత్యవసర సమావేశం నిర్వహించి మిగిలిన ఐపీఎల్ మ్యాచ్ లను నిరవధికంగా వాయిదా వేస్తున్నట్లు ప్రకటించారు. పరిస్థితి సద్దుమణిగిన తరువాత మిగిలిన ఐపీఎల్ మ్యాచ్ లను నిర్వహిస్తామని తెలిపారు.