భారత్, ఇంగ్లండ్‌ జట్ల మధ్య హోరాహోరీగా సాగిన 5 మ్యాచ్‌ల టీ20 సిరీస్‌ని 3-2 తేడాతో టీమిండియా చేజిక్కించుకుంది. అహ్మదాబాద్ వేదికగా జరిగిన చివరి టీ20 మ్యాచ్ లో టాస్‌ గెలిచి ఫీల్డింగ్‌ ఎంచుకున్న ఇంగ్లండ్‌ పేలవ ప్రదర్శన కనబరిచింది ఫలితంగా టీమిండియా భారీ స్కోర్‌ చేసింది. రోహిత్ శర్మ, (34 బంతుల్లో 64 ; 4 ఫోర్లు, 5 సిక్స్‌లు ) కోహ్లి(52 బంతుల్లో 80; 7 ఫోర్లు, 2 సిక్స్‌లు) శుభారంభం చేయగా హార్ధిక్‌(17 బంతుల్లో 39; 4 ఫోర్లు, 2 సిక్స్‌లు)లు నిలకడగా ఆడి 225 టార్గెట్ ని ఇంగ్లాండ్ జట్టు ముందుంచారు.
చేజింగ్ మొదట్లోనే రాయ్ వికెట్ కోల్పోయిన ఇంగ్లాండ్ బట్లర్, మలన్ దూకుడుగా ఆడి 130 పరుగుల భాగస్వామ్యాన్ని అందించారు. తరువాత వెంటవెంటనే వికెట్లు కోల్పోయిన ఇంగ్లాండ్ జట్టు నిర్ణీత 20 ఓవర్లలో 188 /8 పరుగులు చేశారు.