దేశంలో కరోనా విలయ తాండవం చేస్తున్న సంగతి తెలిసిందే. దేశంలో నమోదవుతున్న కరోనా కేసులలో సగానికి పైగా మహారాష్ట్రలోనే ఉంటున్నాయి. ఐపీఎల్ మ్యాచ్ లు నిర్వహించే ముంబై వాంఖేడ్ స్టేడియం సిబ్బందికి, అలాగే కొంతమంది ఆటగాళ్లకు కరోనా సోకడంతో ఈ ఏడాది ఐపీఎల్ నిర్శహిస్తారా, లేదా! అనే సందేహాలు వ్యక్తమవుతున్నాయి. దీనిపై బీసీసీఐ అధ్యక్షుడు సౌరవ్ గంగూలీ ఐపీఎల్ ఫ్యాన్స్ కి క్లారిటీ ఇచ్చాడు .
షెడ్యూల్ ప్రకారమే ఐపీఎల్ మ్యాచ్ లు నిర్వహిస్తామని పేర్కొన్నాడు. ఐపీఎల్ 2021 సీజన్ ఏప్రిల్ 9 నుంచి మే 30 వరకూ జరుగనుంది. ముంబయిలో ఇప్పటికే చెన్నై సూపర్ కింగ్స్, ఢిల్లీ క్యాపిటల్స్, ముంబయి ఇండియన్స్, పంజాబ్ కింగ్స్, రాజస్థాన్ రాయల్స్, కోల్‌కతా నైట్‌రైడర్స్ తమ క్యాంప్‌‌లను ఏర్పాటు చేశాయి. ఇందులో ముంబయి, కోల్‌కతా జట్లు త్వరలోనే క్యాంప్‌ని చెన్నైకి మార్చనుండగా.. మిగిలిన జట్లు అక్కడే వాంఖడే స్టేడియంలో మ్యాచ్ ఆడనున్నాయి.