మాజీ కెప్టెన్ మహేంద్ర సింగ్ ధోని ఇండియాలో తనకు దొరికిన ఖాళీ సమయాన్ని ఎంచక్కా ఎంజాయ్ చేస్తున్నాడు. బ్రాండ్ ఎండార్స్‌మెంట్స్ షూటింగ్స్‌తో ఇదిగో ఇలా బిజీగా ఉంటున్నాడు. చల్లటి మంచు ప్రాంతం హిమాచల్ ప్రదేశ్ రాజధాని షిమ్లాలో కుటుంబంతో టైమ్‌పాస్ చేస్తూ ఓ బ్రాండ్‌కు సంబంధించిన షూటింగ్ అడ్వర్టైజ్‌మెంట్‌తో బిజీగా కనిపించాడు ధోని.
ధోనికి ఎదురుగా ఉన్న వ్యక్తి ఇంకెవరో కాదు.. ప్రముఖ బాలీవుడ్ నటుడు షాహీద్ కపూర్ తండ్రి పంకజ్ కపూర్. ధోని పర్సనల్ హెయిర్ స్టైలిస్ట్ సప్న భవానిని కూడా ఈ ఫోటోలో చూడవచ్చు. ప్రముఖ దర్శకుడు షూజిత్ సర్కార్ డైరెక్ట్ చేస్తున్న ఓ యాడ్ ఫిలింలో ధోని స్టైలిష్‌గా కనిపిస్తున్న ఫోటో ఇంటర్నెట్‌లో వైరల్ అవుతోంది.
టెస్ట్ మ్యాచ్‌లకు గుడ్ బై చెప్పడంతో, ప్రస్తుతం ఇంగ్లండ్‌లో ఆ దేశం జట్టుతో వన్డే సిరీస్ అనంతరం ఇండియా తిరిగొచ్చిన ధోని తనకు దొరికిన ఖాళీ సమయాన్ని భార్య సాక్షి, కూతురు జివాలతో కలసి సన్నిహిత మిత్రుల పెళ్లిళ్లు, పేరంటాలకు వెళుతున్నాడు.