కరోనా మహమ్మారి ప్రపంచ దేశాలను వణికిస్తోంది. అగ్ర రాజ్యమైన అమెరికా కరోనా దెబ్బకు విలవిలాడుతుంది. ఈ మహమ్మారి కోరల్లో చిక్కుకుని వేలాది మంది పిట్టలా రాలిపోతున్నారు. ప్రపంచంలో అత్యధిక కరోనా పాజిటివ్ కేసులు ఆ దేశంలోనే నమోదవుతున్నాయి. సోమవారం ఒక్క రోజే 20వేలకుపైగా కేసులు నమోదుకావడం షాక్ కు గురి చేస్తున్నాయి.
ప్రస్తుతం ఆ దేశంలో పాజిటివ్ కేసుల సంఖ్య 1.64 లక్షలు దాటడం పరిస్థితి తీవ్రతకు అద్దం పడుతోంది. వైరస్ ప్రభావం తీవ్రంగా ఉన్న న్యూయార్క్, న్యూ జెర్సీ తదితర ప్రాంతాల్లో ప్రజలు ఇళ్లలోంచి బయటకి రావాలంటేనే భయపడుతున్నారు. కరోనా వైరస్ బారినపడి ప్రాణాలు కోల్పోయినవారి సంఖ్య 3,165కు చేరుకోగా.. ఒక్క న్యూయార్క్ రాష్ట్రంలో దాదాపు 1,400 మంది ప్రాణాలు కోల్పోయారు