ప్రస్తుతం, దేశంలో అందుబాటులో ఉన్న అన్ని కోవిడ్19 టీకాలు కరోనా డెల్టా వేరియంట్ పై సమర్థవంతంగా పనిచేస్తున్నాయని, ఇండియన్ కౌన్సిల్ ఫర్ మెడికల్ రీసెర్చ్ అధ్యయనంలో స్పష్టమైందని, ఇండియన్ సార్స్ కోవ్ 2 జెనోమిక్స్ కన్సార్షియం కో చైర్మన్ డాక్టర్ ఎన్ కే అరోరా తెలిపారు. చాలా ప్రాంతాల్లో కరోనా కేసుల సంఖ్య గణనీయంగా తగ్గిందని పేర్కొన్నారు. కోవిడ్ మహమ్మారిని తరమికొట్టేందుకు ప్రజలు తప్పనిసరిగా టీకాలు తీసుకోవడంతోపాటు… కోవిడ్ మార్గదర్శకాలు పాటించాలని ఆయన సూచించారు.