దేశవ్యాప్తంగా కరోనా వైరస్‌ వేగంగా విస్తరిస్తోంది. రోజురోజుకు కరోనా పాజిటివ్‌ కేసులు, మరణాలు సంభవిస్తుండటంతో ప్రజలు భయాందోళనకు గురవు తున్నారు. గత 24 గంటల్లో 72,330 కొత్త కోవిడ్‌-19 కేసులు నమోదు కాగా, 459 మరణాలు సంభవించాయి. ఐదు రాష్ట్రాల్లో కోవిడ్‌-19 వ్యాప్తి కలవరం పుట్టిస్తోంది. కేసుల నమోదులో మహారాష్ట్ర, కర్ణాటక, కేరళ, పంజాబ్ ఛత్తీస్‌గడ్‌ ముందు వరుసలో ఉన్నాయి. ముఖ్యంగా మహారాష్ట్రలో తీవ్ర స్థాయిలో కొనసాగుతోంది. దేశవ్యాప్తంగా ఇప్పటివరకు మొత్తం కరోనా కేసుల సంఖ్య 1,22,21,665కు చేరింది. మొత్తం మరణాల సంఖ్య 1,62,927 గా ఉంది. మొత్తం రికవరీలు 1,14,74,683 గాను, యాక్టీవ్ కేసులు 5,84,055గా నమోదయ్యాయి.