వాయిదా పడిన సీబీఎస్ఈ 12వ తరగతి పరీక్షలు పూర్తిగా రద్దయ్యే అవకాశం ఉందంటూ వస్తున్న ఊహాగానాలను బోర్డు తోసిపుచ్చింది. ఇప్పటి వరకు పరీక్షల నిర్వహణపై ఎలాంటి నిర్ణయం తీసుకోలేదని స్పష్టం చేసింది. 12వ తరగతి పరీక్షల నిర్వహణ దాదాపు రద్దంటూ కొన్ని మీడియా ఛానళ్లు, సామాజిక మాధ్యమాల్లో వస్తున్న కథనాల్లో వాస్తవం లేదని తెలిపింది. ఎటువంటి నిర్ణయం తీసుకున్నా.. అధికారికంగా ప్రకటిస్తామని పేర్కొంది.