ఏపీలో కరోనా కేసుల సంఖ్య రోజురోజుకూ పెరిగిపోతోంది. నిన్న సాయంత్రం 5 నుంచి ఇవాళ ఉదయం 9 గంటల వరకు 34 కొత్త కేసులు నమోదైనట్లు వైద్య ఆరోగ్య శాఖ వెల్లడించింది. దీంతో రాష్ట్ర వ్యాప్తంగా కరోనా బాధితుల సంఖ్య 473కి చేరింది.
కాగా గుంటూరులో కరోనా ప్రకంపనలు ఎక్కువగా వున్నాయి. ప్రతి రోజూ జిల్లాలో కరోనా కేసులు నమోదవుతున్నాయి. ఈ క్రమంలో గుంటూరులో కరోనా కేసులు వంద దాటాయి. నిన్న సాయంత్రం 5 గంటల నుంచి ఈరోజు ఉదయం 9 గంటల వరకు నిర్వహించిన పరీక్షల్లో గుంటూరులో కొత్తగా మరో 16 కేసులు వెలుగుచూశాయి. దీంతో మొత్తం కేసుల సంఖ్య 109కు చేరింది.