హైదరాబాద్ లోని కేబుల్ బ్రిడ్జి దేశ వ్యాప్తంగా గుర్తింపు తెచ్చుకుంది. నిత్యం పర్యాటకులు కేబుల్ బ్రిడ్జి ను చూసేందుకు వస్తున్నారు. అయితే కేబుల్ బ్రిడ్జిపై వాహనాలు ఆపడం కానీ ఫొటోస్ తీయడం కానీ చేయవద్దని పోలీసులు చెపుతున్నారు. అలా చేయడం వల్ల ప్రమాదాలు జరుగుతున్నాయని సూచిస్తున్నారు. అయితే రాత్రిపూట కొంతమంది ఆకతాయిలు పోలీసుల హెచ్చరికలు పట్టించుకోకుండా బైక్ విన్యాసాలు , ఫొటోస్ తీస్తూ ఇబ్బందికి గురిచేస్తున్నారు. ఈ క్రమ్మలో పోలీసులు అలాంటి వారి ఆటకట్టించారు. అర్ధరాత్రి అతి చేస్తున్న ఆకతాయిలను పట్టుకుని పోలీస్ స్టేషన్‌కి తరలించారు. కొద్దినిమిషాలకే ఆరుగురు యువకులను అదుపులోకి తీసుకున్నారు.
