దేశంలో కరోనా మహమ్మారి విజృంభిస్తుంది. ఫ‌స్ట్ వేవ్‌తో పోలిస్తే సెకండ్ వేవ్‌లో రూపాన్ని మార్చుకొని మ‌రింత విరుచుకుపడుతుంది. రోజురోజుకీ పెరుగుతోన్న కేసులు భ‌యాందోళ‌న‌కు గురి చేస్తున్నాయి. అయితే కరోనా నుంచి కోలుకున్న తర్వాత కూడా కొంతమందిలో తాజాగా బ్లాక్ ఫంగస్/మ్యుక‌ర్‌మైకోసిస్ పేరుతో కొత్త వ్యాధి భ‌యాందోళ‌న‌కు గురి చేస్తోంది. దేశంలో రోజురోజుకి దీని బారిన పడుతున్న వారి సంఖ్య పెరుగుతుండడంతో కేంద్రప్రభుత్వం ఈ వ్యాధిపై దృష్టిసారించింది.
ఫలితంగా ఈ వ్యాధి చికిత్సకోసం ఒక ఇంజక్షన్ ని రూపొందించింది. జెనెటిక్ లైఫ్ సైన్సెస్, వార్ధా జంటగా మ్యుక‌ర్‌మైకోసిస్ చికిత్సకోసం Amphotericin B Emulsion ఇంజెక్షన్స్ రూపొందించింది. ప్రస్తుతం ఈ ఇంజెక్షన్స్ ఒక్క కంపెనీ మాత్రమే ప్రొడ్యూస్ చేస్తుంది. వచ్చే సోమవారం నుండి ఈ ఇంజెక్షన్స్ బహిరంగ మార్కెట్లో విక్రయించనున్నారు. ఒక్కో ఇంజక్షన్ ఖరీదు 1200 రూపాయలుగా నిర్ణయించింది.