బ్యాంకు మేనేజర్ ను చితకబాదిన మహిళా

కర్ణాటకలోని దేవనాగరిలో బ్యాంకు మేనేజర్‌ను ఓ మహిళ చితకబాది.. చెప్పుతో కొట్టింది. ఈ సంఘటన నిన్న చోటు చేసుకోగా ఇవాళ వెలుగు చూసింది. వివరాల్లోకి వెళితే.. కర్ణాటకలోని దేవనాగరికి చెందిన ఓ మహిళ లోన్ కోసం స్థానిక బ్యాంక్‌కు వెళ్లింది. అయితే లోన్ కావాలంటే తన కోరిక తీర్చాలని బ్యాంకు మేనేజర్ కోరాడట. దీంతో ఆ మహిళకు కోపం కట్టలు తెచ్చుకుంది.

బ్యాంకు మేనేజర్ అసభ్యంగా ప్రవర్తించడంతో.. అతడిని నడిరోడ్డుపైకి ఈడ్చుకెళ్లి కర్రతో దేహశుద్ధి చేసింది. ఆ తర్వాత చెప్పుతో చితకబాదింది. బ్యాంకు మేనేజర్‌ను మహిళ చితకబాదుతున్న దృశ్యాలను, వీడియోను కొందరు తీసి.. సామాజిక మాధ్యమాల్లో వైపోస్టు చేయగా.. ఆవి వైరల్ అవుతున్నాయి.