కరోనా కొత్త వేరియంట్‌ ‘ఒమిక్రాన్‌’ మరిన్ని దేశాలకు వ్యాపించింది. దక్షిణాఫ్రికా సహా పలు దేశాల్లో సోమవారం ఈ కేసులు వెలుగుచూశాయి. పోర్చుగీస్‌కు చెందిన 13 మంది ఫుట్‌బాల్‌ క్రీడాకారులకు కొత్త వేరియంట్‌ సోకింది. దక్షిణాఫ్రికాలో ఒమిక్రాన్‌ తొలిసారి వెలుగుచూసిన ప్రాంతంలోనే వీరంతా ఇటీవల పర్యటించినట్టు పోర్చుగీస్‌ నేషనల్‌ హెల్త్‌ ఇన్‌స్టిట్యూట్‌ ప్రకటించింది. దక్షిణాఫ్రికా నుంచి గత శుక్రవారం నెదర్లాండ్స్‌ చేరుకున్న వారిలో 61 మంది పాజిటివ్‌ వ్యక్తులు ఉండగా, వారిలో 13 మంది కొత్త వేరియంట్‌ బాధితులేనని నిర్ధారణ అయింది.