భారత ఆల్‌రౌండర్‌ విజయ్‌ శంకర్‌ ఓ ఇంటివాడయ్యాడు. తన ప్రేయసి వైశాలి విశ్వేశ్వరణ్‌ను అతడు పెళ్లాడాడు. చెన్నైలోని ఓ ఫంక్షన్‌ హాల్లో కొద్ది మంది బంధుమిత్రుల సమక్షంలో వైశాలి మెడలో మూడు ముళ్లు వేశాడు.
ఈ సందర్భంగా అతడు ప్రాతినిథ్యం వహిస్తున్న ఐపీఎల్‌ ఫ్రాంఛైజీ సన్‌రైజర్స్‌ హైదరాబాద్‌ శుభాకాంక్షలు తెలిపింది. ట్విటర్‌ వేదికగా అతడి పెళ్లి ఫొటోను పోస్టు చేసి సంతోషం వ్యక్తం చేసింది. పలువురు టీమ్‌ఇండియా క్రికెటర్లు సైతం విజయ్‌కు శుభాకాంక్షలు చెప్పారు.