తుపాకి చూపించి దుండగుల నుండి తన భర్తను కాపాడుకుంది(వీడియో)

ఉత్తరప్రదేశ్‌లో ఒక వింత సంఘటన జరిగింది. క్నోలో ఒక ఇంటి ముందు జరిగిన గొడవ, ఆ గొడవలో తన భర్తను ఒక భార్య కాపాడుకున్న వైనం సోషల్‌ మీడియాలో తెగ చక్కర్లు కొడుతోంది. పూర్తి వివరాల్లోకి వెళ్తే… లక్నోలో ఒక వ్యక్తి తన ఇంటి ముందు నిలబడి ఉండగా కొందరు దుండగులు వచ్చి అతడిపై దాడికి దిగారు. పిడిగుద్దులు గుద్దుతూ, కర్రలతో కొట్టడం మొదలు పెట్టారు. ఆ సమయంలోనే తన భర్తపై దాడి జరుగుతుందని గ్రహించిన భార్య వెంటనే లోనికి వెళ్లి గన్‌ తీసుకు వచ్చి వారికి గురి పెట్టింది. దాంతో వెంటనే అతడిని వదిలేసి కొట్టే వారు అక్కడి నుండి పారిపోయారు.

తేరుకున్న ఆ భర్త ఆమె నుండి గన్‌ తీసుకుని వారికి గురి పెట్టాడు. ఈ లోపే వారు అక్కడ నుండి పారిపోయారు. కేసు నమోదు చేసుకున్న పోలీసులు సిసి ఫుటేజ్‌ ఆధారంగా ఎంక్వౌరీ చేస్తున్నారు. మీరు కింద చూస్తున్న సిసి టీవీ వీడియో ప్రస్తుతం సోషల్‌ మీడియాలో వైరల్‌ అవుతుంది. ఆమెను వీర నారి అంటూ అంతా కూడా పొగడ్తలతో ముంచెత్తుతున్నారు. సమయస్పూర్తిగా ఆలోచించి భర్తను కాపాడుకున్న ఉత్తమ ఇల్లాలు అంటూ ఆకాశానికి ఎత్తేస్తున్నారు. సినిమాల్లో జరిగినట్లుగా ఉన్న ఆ సీన్‌ను మీరు కింద వీడియోలో చూడవచ్చు.