కార్తీని హీరోగా పెట్టి సెల్వరాఘవన్ చేసిన సాహసోపేత ప్రయత్నం యుగానికి ఒక్కడు. ఏ అంచనాలు లేకుండా విడుదలైన ఈ సినిమా అప్పట్లో సంచలనమే సృష్టించింది. ఈ సినిమాతో తెలుగు, తమిళ భాషల్లో కార్తీ స్టార్ హీరో హోదాను సంపాదించాడు. అప్పటి నుంచి తాను నటించిన ప్రతి సినిమాను తమిళ్ తో పాటు తెలుగులో విడుదల చేస్తూ ఇక్కడ కూడా తెలుగు హీరోలు లాగా పేరు తెచ్చుకున్నాడు.
భారీ బడ్జెట్, ఆధునిక టెక్నాలజీ పెద్దగా వాడుకలో లేని రోజుల్లోనే సౌత్ లో సెన్సేషన్ గా నిలిచిన సినిమాను ఒక పెద్ద హీరోను పెట్టి బాగా పబ్లిసిటీ చేసుంటే ఈ సినిమా చరిత్రలో నిలిచిపోయేదని అందరూ అభిప్రాయ పడ్డారు అప్పట్లో. తాజాగా ఈ సినిమాకు సీక్వెల్ తీసే ఆలోచనలో ఉన్నట్టు దర్శకుడు సెల్వ రాఘవన్ తన ట్విట్టర్ ద్వారా వెల్లడించారు.
“నేను ఎక్కడికి వెళ్లిన అందరు ధనుష్ తో తీసిన సినిమా పుదు పెట్టై సీక్వెల్ ఎప్పుడు ఉంటుందని అడుగుతున్నారు. కానీ నా మనసులో మాత్రం “యుగానికి ఒక్కడు 2″ తీయాలని ఉంది” అన్నారు. చోళుల అద్వితీయమైన ప్రయాణాన్ని తెరకెక్కించాలని ఎప్పటినుండో ఉందని ట్విట్టర్ లో అన్నారు. మరోసారి, యుగానికొక్కడు సీక్వెల్ రూపంలో మరో భిన్నమైన సినిమా రాబోతుందన్నమాట.
