పవర్ స్టార్ పవన్ కళ్యాణ్ అక్క‌డ అమ్మాయి ఇక్కడ అబ్బాయి అనే సినిమాతో తన సినీ కెరియర్ మొదలు పెట్టి అజ్ఙాత‌వాసి సినిమాతో తన సినీ కెరియర్ కి బ్రేక్ ఇచ్చాడు. ఆయన సినీ కెరియర్ పిక్ స్టేజ్ లో ఉన్న సమయంలో ప్రజలకు సేవ చెయ్యాలనే ఉద్దేశంతో రాజ‌కీయాల‌లోకి వచ్చారు. పవన్ ప్ర‌స్తుతం సినిమాల‌కి పూర్తి దూరంగా ఉన్నా కానీ అప్పుడప్పుడు సినీ వేడుకలకు అతిధిగా వచ్చి అభిమానులను ఆనందపరుస్తున్నాడు.అభిమానులు అందరూ పవన్ కళ్యాణ్ ని పవర్ స్టార్ అని ముద్దుగా పిలిచుకుంటారు. కానీ పవన్ కళ్యాణ్ ని 20 ఏళ్ళు క్రితం యంగ్ మెగాస్టార్‌గా పిలిచేవారు.
అందుకు కారణం లేకపోలేదు, చిరంజీవి, సౌంద‌ర్య ప్ర‌ధాన పాత్ర‌లలో గుణ‌శేఖ‌ర్ తెర‌కెక్కించిన చిత్రం చూడాల‌ని ఉంది. ఈ చిత్రం ఆగ‌స్ట్ 27, 1998లో విడుద‌లైంది. నిన్న‌టితో ఈ సినిమా 20 ఏళ్ళు పూర్తి చేసుకుంది. అయితే ఆ చిత్ర 100 డేస్ ఫంక్ష‌న్ ఇన్విటేష‌న్ కార్డ్‌ లో పవన్ కళ్యాణ్ పేరుకి ముందు యంగ్ మెగాస్టార్ బిరుదు ఉంది. ఈ ఇన్విటేష‌న్‌ని సోష‌ల్ మీడియాలో వైర‌ల్‌ అవ్వడంతో ఆ ఇన్విటేష‌న్ కార్డ్‌ చూసి అభిమానులు తెగ సంతోష‌ప‌డుతున్నారు. మరి మీరు ఓ లుక్ వెయ్యండి.
