తనదైన స్టయిల్‌లో చిత్రాలను తెరకెక్కించి యాక్షన్‌ డైరెక్టర్‌గా మంచి గుర్తింపును సొంతం చేసుకున్న దర్శకుడు వినాయక్‌ ఒక సినిమాలో హీరోగా నటిస్తున్నాడు. దర్శకుడిగా పలు హిట్‌లను దక్కించుకున్న వినాయక్‌ హీరోగా కూడా గుర్తింపును తెచ్చుకోవాలని తాపత్రయ పడుతున్నాడు. వినాయక్‌ హీరోగా నటిస్తున్న చిత్రాన్ని నరసింహాసింహరావు తెరకెక్కిస్తున్నారు. ఈ చిత్రం 1940లలో గల పరిస్థితుల దృష్ట్యా తెరకెక్కుతోంది.
ఈ యాక్షన్‌ దర్శకుడు ఏ పాత్రలో కనిపిస్తాడు అనేది ప్రేక్షకులకు ఆసక్తిగా మారింది. తాజా సమాచారం ప్రకారం వినాయక్‌ ఒక సాదారణ రైతు పాత్రలో కనిపించనున్నాడు. స్వాతంత్రానికి ముందు మనదేశంలో పరిస్థితి ఎలా ఉండేది, రైతుల పరిస్థితి ఏంటి అనేది ఈ చిత్రంలో చూపించనున్నారు. అప్పట్లో రైతులు ఎలా ఉండేవారు అనేది వినాయక్‌ పాత్ర కళ్లకు కట్టినట్టుగా చూపించనున్నట్టుగా తెలుస్తోంది.
