బుల్లితెర నటి విశ్వశాంతి అనుమానాస్పద స్థితిలో మృతి చెందారు. ఎస్సార్‌నగర్‌ ఇంజినీర్స్‌ కాలనీలో నివాసముంటున్న ఆమె గత నాలుగు రోజులుగా ఇంటి నుంచి బయటకు రాకపోవడంతో అనుమానం ఇచ్చిన స్థానికులు పోలీసులకు సమాచారం అందించారు.
ఘటనా స్థలికి చేరుకున్న పోలీసులు.. ఇంట్లో ఆమె మృత దేహాన్ని గుర్తించారు. కేసు నమోదు చేసి మృతదేహాన్ని గాంధీ ఆసుపత్రికి తరలించారు. ఆమె ఆత్మహత్య చేసుకున్నారా ? లేక ఎవరైనా చంపేశారా అనే కోణంలో దర్యాప్తు చేపట్టారు. ఆమె ఎలా చనిపోయిందనేదానిపై చుటుపక్కల వారిని కూడా విచారిస్తున్నారు.
