విశ్వక్‌సేన్‌ హీరోగా ‘పాగల్‌’ అనే చిత్రం తెరకెక్కబోతుంది. ఈ చిత్రంను పలు ప్రేమ కథా చిత్రాలను నిర్మించి పలు సక్సెస్‌లను దక్కించుకున్న నిర్మాత వేణుగోపాల్‌ బెక్కం నిర్మించబోతున్నాడు. పాగల్‌ ఒక విభిన్నమైన మాస్‌ ప్రేమ కథ అంటూ నిర్మాత చెబుతున్నాడు. దర్శకుడిగా నరేష్‌ రెడ్డి పరిచయం కాబోతున్నాడు. ఈ కొత్త దర్శకుడు చెప్పిన కథకు నిర్మాత బాగా కనెక్ట్‌ అయ్యాడట. ఈ కథకు విశ్వక్‌సేన్‌ తప్పకుండా న్యాయం చేస్తాడనే ఉద్దేశ్యంతో ఆయన్ను ఈ ప్రాజెక్ట్‌లోకి తీసుకున్నట్లుగా నిర్మాత అన్నాడు. సెప్టెంబర్‌ రెండవ వారంలో షూటింగ్‌ మొదలు పెట్టి వచ్చే ఏడాదిలో సినిమాను విడుదల చేయబోతున్నారట.