సుప్రీమ్ హీరో సాయి ధరమ్ తేజ్ త్వరలోనే ‘విరూపాక్ష’ సినిమాతో ఏప్రిల్ 21న ప్రేక్షకుల ముందుకొచ్చేందుకు రెడీ అవుతున్నాడు. కాగా ఈ చిత్రానికి కార్తీక్ దండు దర్శకత్వం వహించగా సంయుక్త మీనన్ హీరోయిన్ గా నటిస్తున్నారు. ఇకపోతే ఈ సినిమా ప్రమోషన్స్ లో భాగంగా ఇప్పటికే విడుదలైన టీజర్, గ్లింప్స్ నెట్టింట హల్‌ చల్ చేస్తున్నాయి.
అయితే తాజాగా మేకర్స్ ట్రైలర్ అప్‌డేట్ అందించారు. విరూపాక్ష ట్రైలర్‌ను రేపు ఉదయం 11:07 గంటలకు విడుదల చేయనున్నట్లు ప్రకటించారు. థ్రిల్‌-మిస్టరీ వరల్డ్‌లోకి నడిచేందుకు రెడీగా ఉండండి అంటూ ట్రైలర్ అప్‌డేట్ ఇచ్చారు మేకర్స్. తాజా లుక్‌ సినిమాపై ఆసక్తిని మరింత పెంచేస్తుంది. ఇక మరోవైపు సాయి ధరమ్ తేజ్ ఈ సినిమా ట్రైలర్ డెఫినెట్ గా మీరు ఊహించని విధంగా సర్ప్రైజ్ చేస్తుంది అని అంటున్నాడు. కాగా ఈ చిత్రానికి అయితే కాంతారా ఫేమ్ అజనీష్ లోకనాథ్ సంగీతం అందించగా బి వి ఎస్ ఎన్ ప్రసాద్ నిర్మాణం వహించారు.
