యంగ్ హీరో విక్రాంత్ క‌థానాయ‌కుడిగా న‌టిస్తోన్న భారీ బ‌డ్జెట్ ప్రెస్టీజియ‌స్ మూవీ ‘స్పార్క్L.I.F.E’. మెహ‌రీన్ ఫిర్జాదా, రుక్స‌ర్ థిల్లాన్ హీరోయిన్స్‌. విక్రాంత్ హీరోగా న‌టిస్తూ ఈ సినిమాను డైరెక్ట్ చేయ‌టం విశేషం. డెఫ్ ఫ్రాగ్ ప్రొడ‌క్ష‌న్స్ బ్యాన‌ర్‌పై రూపొందుతోన్న ఈ సినిమాకు ‘హృదయం’ ఫేమ్ హేషం అబ్దుల్ వహాబ్ సంగీతాన్ని అందిస్తున్నారు. మలయాళ విలక్ష‌ణ న‌టుడు గురు సోమ‌సుంద‌రం విల‌న్‌గా న‌టించారు.
ఇక రీసెంట్‌గానే షూటింగ్ పూర్తి చేసుకున్న ఈ సినిమాను వ‌రల్డ్ వైడ్‌గా న‌వంబ‌ర్ 17న రిలీజ్ చేయనున్నట్లు మేకర్స్ తెలిపారు. దీంతో ఇప్పుడు ఈ సినిమాకు సంబంధించిన పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేయ‌టంలో బిజీగా వున్నారు మేకర్స్. ఎమోష‌న్స్‌, ల‌వ్‌, భారీ యాక్ష‌న్స్ సీక్వెన్సుల‌తో రూపొందుతోన్న ఈ సినిమాలో సినిమాటోగ్రాఫ‌ర్ ఎ.ఆర్‌.అశోక్ కుమార్ సినిమాటోగ్ర‌పీ, హేషం అబ్దుల్ వహాబ్ సంగీతం, నేప‌థ్య సంగీతం హైలైట్‌గా నిల‌వ‌నున్నాయి.
అంతేకాదు హ్యూజ్ ఎక్స్‌పెక్టేష‌న్స్‌తో తెర‌కెక్కుతోన్న ఈ మూవీ ఆడియెన్స్ గొప్ప థియేట్రిక‌ల్ ఎక్స్‌పీరియెన్స్‌ను అందించ‌నుంది. ఈ చిత్రంలో నాజ‌ర్‌, సుహాసిని, మ‌ణిర‌త్నం, వెన్నెల కిషోర్‌, బ్ర‌హ్మాజీ, చ‌మ్మ‌క్ చంద్ర, స‌త్య, శ్రీకాంత్ అయ్యంగార్‌, అన్న‌పూర్ణ‌మ్మ త‌దిత‌రులు ఇత‌ర పాత్ర‌ల్లో న‌టిస్తున్నారు. కాగా తెలుగు, త‌మిళ, హిందీ, క‌న్న‌డ, మలయాళ భాష‌ల్లో ఈ సినిమా గ్రాండ్ రిలీజ్ అవుతుంది.
