గీత గోవిందం సినిమాతో 100 కోట్ల క్లబ్ లో చేరి స్టార్ హీరో అయినా విజయ దేవరకొండ ప్ర‌స్తుతం డియ‌ర్ కామ్రేడ్ అనే సినిమా చేస్తున్నాడు. ఈ చిత్రంలో విజయ్ కాకినాడ యాస‌లో మాట్లాడి అల‌రించ‌నున్నాడు విజయ్. భరత్ కమ్మ ద‌ర్శ‌క‌త్వంలో మైత్రి మూవీ మేక‌ర్స్ పై ఈ మూవీ రూపొందుతుంది.
అయితే రాష్ట్రాన్ని ప‌చ్చ‌ద‌నంతో నింపేందుకు తెలంగాణ ప్రభుత్వం ప్రతిష్టాత్మకంగా చేపట్టిన హరితహారం కార్యక్రమంలో భాగంగా ప్రముఖులు గ్రీన్ ఛాలెంజ్ పేరుతో మొక్క‌లు నాటి మిగ‌తా సెల‌బ్రిటీల‌కి ఆ ఛాలెంజ్ విసురుతున్నారు. ఈ క్ర‌మంలో శ్రీకాంత్ కిదాంబి, బొంతు రామ్మోహ‌న్ యువ హీరో విజయ్ దేవ‌ర‌కొండ‌కి ఛాలెంజ్ విసిరారు. ఆ ఛాలెంజ్‌ని తాజాగా స్వీక‌రించిన విజయ్ దేవరకొండ కాకినాడ‌లో త‌న ఫ్యాన్స్‌తో క‌లిసి మొక్క‌లు నాటాడు.
అంతే కాదు ఈ నయా రౌడీ కాకినాడ బాయ్స్‌తో క‌లిసి లంచ్ చేశాడు. దీనికి సంబంధించిన వీడియోని ట్విట్ట‌ర్‌లో షేర్ చేశాడు విజయ్. ప్ర‌స్తుతం కాకినాడ‌లో డియ‌ర్ కామ్రేడ్ షూటింగ్ జరుగుతుంది.
#HarithaHaram #GreenChallenge accepted 🙂 Planting trees and lunching with my Kakinada Boys :))
I now challenge my rowdies @Sheetal_Chowhan @samhitha17 @ChaltanyaReddy @akshitha9198 @karanam_pooja @xziamstheticx @keerthanaGMalar pic.twitter.com/gB4iyjBvtD
— Vijay Deverakonda (@TheDeverakonda) August 31, 2018