విజయ్‌ దేవరకొండ హీరోగా పరుశురామ్‌ దర్శకత్వంలో తెరకెక్కి విడుదలైన ‘గీత గోవిందం’ చిత్రం ఎంతటి సంచలన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. టాలీవుడ్‌ స్టార్‌ హీరోల చిత్రాల జాబితాలోగీత గోవిందం నిలిచింది. అద్బుతమైన స్క్రీన్‌ప్లేతో ఎంటర్‌టైనర్‌గా రూపొందిన గీత గోవిందం చిత్రం తర్వాత పరుశురామ్‌ మరో సినిమాను ఇంకా మొదలు పెట్టలేదు. ఈయన మహేష్‌బాబుతో సినిమా చేయాలని ప్రయత్నాలు చేశాడు. కాని అది వర్కౌట్‌ అవ్వలేదు.
తాజాగా దర్శకుడు పరుశురామ్‌ విజయ్‌ దేవరకొండతో మరో కథతో ఒప్పించినట్లుగా సమాచారం అందుతోంది. విశ్వసనీయంగా అందుతున్న సమాచారం ప్రకారం ప్రస్తుతం చేస్తున్న రెండు చిత్రాల తర్వాత విజయ్‌ దేవరకొండ తన తదుపరి చిత్రాన్ని పరుశురామ్‌ దర్శకత్వంలో చేసేందుకు ఓకే చెప్పాడని సమాచారం అందుతోంది. అందుకు సంబంధించిన ఏర్పాట్లు కూడా జరుగుతున్నాయి. ఈ చిత్రం కూడా గీతా ఆర్ట్స్‌ 2 చిత్రంలోనే ఉంటుందని తెలుస్తోంది.
