విజయ్‌ దేవరకొండ ప్రస్తుతం క్రాంతి మాధవ్‌ దర్శకత్వంలో ఒక చిత్రాన్ని చేస్తున్నాడు. ఆ చిత్రంతో పాటు పూరి జగన్నాధ్‌ దర్శకత్వంలో ‘ఫైటర్‌’ అనే చిత్రాన్ని చేయబోతున్నాడు. అతి త్వరలోనే ఫైటర్‌ చిత్రం ప్రారంభం కాబోతుంది. పూరి స్వయంగా నిర్మించబోతున్న ఫైటర్‌ చిత్రంపై అంచనాలు భారీగా ఉన్నాయి. రెండు సినిమాలను లైన్‌లో ఉంచిన విజయ్‌ దేవరకొండ మరో దర్శకుడికి గ్రీన్‌ సిగ్నల్‌ ఇచ్చినట్లుగా సమాచారం అందుతోంది. హుషారు చిత్రంతో యూత్‌ను ఎంటర్‌టైన్‌ చేసిన దర్శకుడు శ్రీహర్ష ప్రస్తుతం విజయ్‌ దేవరకొండ కోసం స్క్రిప్ట్‌ రెడీ చేస్తున్నాడు.
ప్రస్తుతం తెలుగులో రెండు సినిమాలు చేయడంతో పాటు బాలీవుడ్‌లో కరణ్‌ జోహార్‌ బ్యానర్‌లో కూడా ఒక సినిమాను చేయబోతున్నట్లుగా వార్తలు వచ్చాయి. ఆ వార్తలపై ఇంకా ఎలాంటి క్లారిటీ రాకుండానే హుషారు డైరెక్టర్‌తో అంటూ వార్తలు వస్తున్న నేపథ్యంలో రౌడీ స్టార్‌ గురించి మీడియాలో కుప్పలు తెప్పలుగా వార్తలు వస్తున్నాయి. ప్రస్తుతం విజయ్‌ దేవరకొండ గురించిన ఏ వార్త అయినా సోషల్‌ మీడియాలో తెగ వైరల్‌ అవుతుంది. అందుకే హుషారు డైరెక్టర్‌తో సినిమా విషయమై కూడా జోరుగా ప్రచారం సాగుతోంది.
